Баҳисобгирии амонату пасандозҳои суғурташуда
Ташкилотҳои қарзии узви Хазина уҳдадоранд баҳисобгирии амонату пасандозҳои суғурташударо бо тартибе, ки Хазина муқаррар кардааст ва он ба ташкилоти қарзӣ имконияти гирифтани маълумоти пурраро дар бораи пардохти ҷубронпулии суғурта медиҳад, ба анҷом расонад.
Тибқи он ҳар як ташкилоти қарзӣ уҳдадор аст, ки дар низоми автоматикунонии бонкии худ пешбурди баҳисобгирии ҳаррӯзаи уҳдадории худро дар назди пасандоздорон, ки ба ташкилоти қарзӣ имконияти дар дилхоҳ рӯз таҳия намудани Феҳристи баҳисобгирии пасандозҳои суғурташударо (Феҳристи пасандоздоронро) фароҳам меорад, ҷорӣ намояд.
Маълумоти Феҳристи пасандоздорон барои муайян ва сари вақт пардохт намудани маблағи ҷубронпулии суғурта ба пасандоздорони ташкилоти қарзӣ аз ҷониби Хазина ҳангоми ба вуқуъ омадани ҳолати суғуртавӣ асос мегардад.
