Изҳори тасаллият
Ҳайати кормандони Хазинаи суғуртаи амонату пасандозҳои Тоҷикистон бинобар даргузашти нобаҳангоми корманди собиқадори Хазина Самиев Маҳмаднабӣ Ризоевич сахт андӯҳгин буда, ба аҳлу пайвандон ва наздикони марҳум ҳамдардӣ ва тасаллияти самимии худро изҳор менамояд ва аз даргоҳи илоҳӣ ба онҳо сабри ҷамил хоҳон аст.
Самиев Маҳмаднабӣ Ризоевич дар Хазина аз соли таъсисёбии он ба ҳайси иқтисодчӣ ва сариқтисодчӣ ифои вазифа карда, ҳамчун шахсияти кордону поквиҷдон ва дорои хислатҳои неки инсонӣ бевосита дар пешравии кору фаъолияти Хазина саҳму хизмати арзандаи худро гузошт.
Шодравон санаи 25 июли соли 2023 баъди муборизаи тӯлонию шадид бо беморӣ аз олам чашм пӯшид.