02.07.2021
Тавре қаблан хабар дода будем, аз ҷониби Хазинаи суғуртаи пасандозҳои шахсони воқеӣ раванди пардохти ҷубронпулии суғурта ба пасандоздорони бонкҳои барҳамдодашудаи ҶСК “Тоҷиксодиротбонк” ва ҶСК “Агроинвестбонк” тавассути филиалҳои бонк-агентҳои интихобшуда оғоз гардид. Тибқи қонунгузорӣ, пасандоздорон ҳуқуқ доранд барои гирифтани ҷубронпулии суғурта дар давоми як сол ба бонк-агент муроҷиат намоянд.
Вобаста ба ин, Хазина аз пасандоздорон хоҳиш мекунад, ки ҳангоми муроҷиат ба бонк-агент қоидаҳои санитарию гигиенӣ ва масофаи иҷтимоиро риоя кунанд ва агар имконпазир бошад барои гирифтани ҷубронпулӣ дар рӯзҳои аввали пардохт шитоб накунанд – пасандоздорон метавонанд дар давоми як сол то ба анҷом расидани раванди пардохти ҷубронпулӣ дар дилхоҳ вақти муносиб ба бонк-агент муроҷиат намоянд.
Маълумоти иловагӣ оид ба пардохти ҷубронпулии суғуртаро метавон тавассути каналҳои иртиботии зерин дастрас намуд:
- Маркази тамос:
44 600-32-45 - Email:
info@idif.tj - Фейсбук: DepositInsuranceFund.Tajikistan
- Телеграм:
t.me/IDIFtj - Сомонаи Хазина:
www.idif.tj