Ҳамдиёрони азиз!
Аҳли кормандони Хазинаи суғуртаи амонату пасандозҳои Тоҷикистон ҳамаи ҳамватанони азизро бо фарорасии Иди байналмилалии Наврӯзи оламафрӯз самимона табрику муборак гуфта, аз самими қалб рӯзгори ободу осоишта, саломатии бардавом, бахту иқбол ва комёбиҳои беназирро орзу менамояд.
Иди бостонии Наврӯз яке аз ҷашнҳои қадимаи мардуми ориёитабор буда, аз қадимулайём дар қатори дигар идҳои мардуми тоҷикзамин, аз ҷумла Меҳргон, Сада ва Тиргон бо як шукӯҳу шаҳомати хоса ҷашн гирифта мешуд. Наврӯз таҷлилу тантанаи иди баҳор ва сароғози соли нав аст, ки он ифодагари эҳёи табиат, бедоршавии набототу ҳайвонот мебошад.
Бинобар ин, дар остонаи ҷашни бузурги Наврӯзи навбаҳор бори дигар орзу менамоем, ки тамоми ниятҳои неку созандаи Шумо амалӣ гардида, дар хонадонатон доимо шодиву фараҳ, файзу баракат ва рӯзгори орому осуда поянда бошад.
Айёми баҳор омад, Наврӯз муборак бод,
Илҳоми баҳор омад, Наврӯз муборак бод,
Кардем видоъ бо дай, нӯшед зи ҷоми май,
Шодӣ ба канор омад, Наврӯз муборак бод.
Наврӯзатон Муборак бошад, ҳамдиёрони азиз!
Барои маълумот:
Низоми суғуртаи амонату пасандозҳо — ҳимояи давлатии ҳуқуқ ва манфиатҳои қонунии пасандоздорон, ки аз ҷониби Хазина барои пардохти ҷубронпулии суғурта ҳангоми ба вуқуъ омадани ҳолати суғуртавӣ дар ташкилоти қарзӣ равона шудааст.
Мутобиқи Қонуни Ҷумҳурии Тоҷикистон “Дар бораи суғуртаи амонату пасндозҳо” маблағи амонату пасандозҳои пасандоздорон дар ташкилотҳои қарзии узви Хазина аз ҷониби Хазина ба таври ҳатмӣ мавриди фарогирии суғуртавӣ қарор дода мешаванд.
Ҳангоми дар ташкилоти қарзӣ – узви Хазина ба вуқуъ омадани ҳолати суғуртавӣ, пасандоздорон ҳуқуқи қонунии гирифтани ҷубронпулии суғуртаро аз рӯи амонату пасандозҳои худ дар ташкилоти қарзӣ дошта, Хазина кафолат медиҳад, ки маблағи суғурташудаи пасандоздоронро дар доираи андозаи муқарраркардаи Қонун, ҷуброн менамояд.
Барои тамос:
- Маркази тамос: (+992) 44 600-66-00
- Еmail: info@dif.tj
- Сомонаи Хазина: dif.tj
- Фейсбук: Deposit Insurance Fund Tajikistan
- Телеграм:me/DIFtj